فتح نجم الأهلي أحمد سيد “زيزو” قلبه في حوار خاص لقناة “أون سبورت”، كاشفًا عن مشاعر أول مشاركة له بقميص الأحمر، وكواليس ما دار قبل مواجهة باتشوكا المكسيكي، ضمن استعدادات الفريق لكأس العالم للأندية 2025.
زيزو: كنت حابب ألبس قميص الأهلي من زمان ووالدي أشطر وكيل لاعبين
وقال زيزو: “ماكنتش متوقع ألعب قدام باتشوكا، كنت رايح أتمرن بس، لكن المدير الفني طلب يشركني بسرعة، وده كان حلم اتحقق لأني كنت حابب ألبس قميص الأهلي من زمان”.
وأضاف: “بابا أول واحد باركلي، وفرح جدًا لما سجلت أول ركلة جزاء، ومش مصدق إني وصلت للمرحلة دي بالسرعة دي”، قبل أن يصف والده بـ”أشطر وكيل لاعبين ممكن تقابله في حياتك”.
زيزو: أنا عارف بورتو كويس لإني لعبت في البرتغال
وتحدث زيزو عن صعوبة مجموعة الأهلي في مونديال الأندية، قائلًا: “كل مباراة أصعب من التانية، إنتر ميامي متحمس على أرضه، وبالميراس عامل موسم ممتاز، وبورتو فريق كبير وأنا عارفهم كويس لأني لعبت في البرتغال”.
وعن زملائه القدامى، قال زيزو: “لاعبين من الزمالك بيتواصلوا معايا لحد دلوقتي، بس مش هذكر أسماء”.
زيزو: قابلت رونالدو وهقابل ميسي ونفسي ابدل قميصي مع عمر مرموش
وأضاف: “لو قابلنا مانشستر سيتي، نفسي أبدل قميصي مع عمر مرموش، وأتمنى الأهلي يتوج بالمونديال رغم صعوبة المشوار”.
واختتم تصريحاته بتفضيل خاص: “قابلت رونالدو وهقابل ميسي، لكن زيدان هو أفضل لاعب في العالم بالنسبة لي”، مؤكدًا: “عمري ما ندمت على خطوة خدتُها في حياتي، وكل حاجة بتحصل لحكمة من ربنا”.
