أوضحت الفنانة راندة البحيري في منشور لها على «فيسبوك» أسباب عدم ظهورها في أعمال فنية منذ فترة كبيرة.
وأشارت راندة البحيري، أن هناك شخص يقف وراء عدم ظهورها في أعمال فنية خلال السنوات الماضية خلال السنوات الماضية.
وقالت راندة: «شخص من 13 سنه و هو بيحاول يقف في رزقي و أكل عيشي.. اتصل بمخرجين مصر كلهم اللي اشتغلت معاهم بالذات و أي مسلسل أو فيلم باجي اشتغل فيه بيقف في طريقي فيه و بيتصل بالمخرج أو الإنتاج و قسماً بالله العظيم و حياة الأيام المفترجه دي عمل كده عشرات المرات و منهم مرات قدامي انا شخصياً كنت بكون موجوده و بعمل بروفه لمسلسل ما والاقيه بيتصل بالكاست و أنا قاعده معاهم و بسمع المكالمه كامله»
وأضافت راندة: «مش عايزني يبقي ليا ظهور و لا عايزني اكمل شغل ده حتي لما جيت اشتغل شغلانه تانيه و اعمل بيزنس خالص بيا وقفلي فيه و حاول يخرجني منه و يدخل هو شريك بدالي و ماشي في كل حته يتباهي بشغله القديم و فاكر ان الناس هتخاف منه».
وتابعت البحيري: «و للاسف فيه فعلا ناس كبرت دماغها مع أن هو ميقدرش يعمل حاجه و كله كلام علي الفاضي. انما بالفعل قعدت من شغل كتير اوي و في عز الوقت اللي كنت فيه اقدر اشتغل انا فلتت ب مسلسل سلسال الدم و مسلسل حالة عشق و حاجات تانيه بسيطه في خلال الـ ١٣ سنه دول علشان مكانش عارف يشيلني منهم و قسما بالله العظيم حاول و التليفونات كانت بتبقي قدامي بس معرفش و اتجنن أما اشتغلت في 2016 و كان عايز يعمل فيا أي حاجه.. أنا على قد منا اكيد كارهه الشخص اللي واقف في رزقي و حاول يضايقني كده.. على قد منا متضايقه اكتر من اللي ساعدوه، والشركات المصريه الكبيره أوي اللي فيها ناس صغيرين أوي سمعوا كلامه».
وعلقت الفنانة ريهام سعيد على منشور راندة البحيري قائلة :«عارفاه و هو هايف و فاشل عشان كده بيعمل كده يا بنتي انتي ناجحه و اكيد ده مخليه هايموت رايح بيرش فلوسي مب مكان عشان يظهر و مفيش فايده سمعته سابقاه انه اهبل . كبري دماغك محدش يقدر يقفل باب ربنا عايز يفتحه».
وشهد المنشور تعاطف الجمهور، طالبين إعلان اسم هذا الشخص ليتم محاسبته.
