“جبر الخواطر” له رزق عظيم.. وما زال المصريون يظهرون في المواقف الحاسمة ويبرزون شهامتهم؛ إذ قام مدير إدارة بمجموعة محلات حلواني شهير بمدينة المحلة الكبرى بعد ملاحظته لتواجد سيدة كبيرة في السن تعمل على عربة تين شوكي أمام المصنع بالتحدث إليها والتعرف على ظروفها.
وتوجه المدير إلى السيدة المكافحة وسألها عن ظروفها ليجد أنها معيلة لأسرة كاملة ولديها أطفال، ليقرر على الفور شراء ٧٥٪ مما تبيعه بشكل يومي وفتح خط إنتاج أيس كريم تين شوكي.
كما قررت الإدارة توفير عمل لتلك السيدة المكافحة بالمصنع، بعد انتهاء موسم التين التين الشوكي.
وكتب “الحلواني” على صفحته على موقع التواصل الاجتماعي فيسبوك منشورا قائلا:
“دا مش إعلان بس لازم نقول
إمبارح مدير المشتريات عندنا كان بيركن عربيته عندنا وشاف واحدة ست كبيرة قد أمهاتنا كلنا واقفة بعربية تين شوكي
نزل وقف معاها وعرف منها أنها ست مُعيلة لأسره وعندها أطفال وكانت بتشتكي من الحر طول اليوم والوقفة ومناهدة الناس فيها دا غير المضايقات اللي بتتعرض لها
جاتله فكرة وعمل مكالمة لمدير الجودة ونزلنا فحصنا العربية بالكامل وأتأكدنا إن كل حاجه تمام
واتفقنا إن يتم التعامل معاها بشكل دوري وكل يوم الصياد هياخد 75% من إجمالي محتويات العربية
وهندخله من ضمن خط إنتاج أيس كريم التين الشوكي
وبالسعر اللي هي تحدده ( رغم كانت رافضه بشكل قاطع أنها تحدد سعر)
وبعد انتهاء موسم التين الشوكي هتكون متواجدة معانا بشكل دائم في المصنع وتشرفنا في قسم تقطيع الفاكهة،
زي ما ذكرنا من الأول دا مش إعلان دي دعوة
دعوة عامة لكل واحد فينا أن أي حد عنده مصنع أو محل او شركه أو أياً كان يقدر يساعد حد محتاج ميتأخرش علشان دا واجب علينا في الأخر أننا نكمل بعض و كلنا واحد
محتاجين نوازن أمورنا ونعيد حسابتنا و ندخل الناس دي فيها ولو بـ جزء من الاهتمام
شكرا.
وتفاعل آلاف من رواد السوشيال ميديا بوقف الإدارة مشيدين بهذا الموقف، مرددين: “جبر الخواطر رزق”.
