منذ ساعات قليلة، نشر الفنان محمد سلام مقطع فيديو له عبر موقع التواصل الاجتماعي “إنستجرام” يعلن عن مفاجأة قوية تعبيرًا عن استياؤه وقلة حيلته تجاه ما يحدث في فلسطين من قبل جيش الاحتلال الإسرائيلي.
وأعلن سلام انسحابه من عرض مسرحية زواج اصطناعي المقرر عرضها في موسم الرياض يوم 30 أكتوبر الجاري واعتذاره عن المشاركة والسفر.
وقال سلام خلال الفيديو: “السلام عليكم، إن شاء الله المفروض بكرة أعرض مسرحية “زواج اصطناعي” في الرياض، المفروض إن هي مسرحية كوميدية وفيها أغاني واستعراضات، والمفروض إن إحنا هنعرض يوم 30 ونعرض في وسط الأحداث اللي بتحصل في غزة، أنا مش متخيل الصراحة إن هروح وأعمل مسرحية وأهزر وأغني وأرقص وإخواتنا في فلسطين عمالين يتقتلوا ومفيش حاجة بتحصلهم وأنا مش هقدر أسافر طبعًا”.
وتابع “ليه بقول الكلام ده في آخر لحظة، المفروض إن إحنا نسافر بكرة إن شاء الله، أنا كنت علي أمل طول الفترة اللي فاتت إن ممكن الموسم يتأجل أو يتلغي زي مهرجان الجونة ومهرجان القاهرة، أو حتي الموضوع يهدي في فلسطين والناس تدخل، ونقدر نعرض بس مفيش حاجة بتحصل، لحد اللحظة اللي بتكلم فيها دلوقتي في ناس عمالة تموت ومفيش حاجة بتحصل فأنا إزاي هروح أعرض والناس بتحصلهم كده في فلسطين، وسامحوني لو إحساسي مبالغ بس أنا حاسس لو عملت كده هبقا زي اللي بقتلهم بظبط إني خذلتهم مش عارف أعملهم حاجة كفاية علينا السكوت اللي إحنا في كلنا، وكمان أنا مش هبقا ساكت بس ده أنا بهزر وبرقص واللي بيحصل بيحصل في فلسطين وأنا بعتذر جدًا إن أشارك في موسم الرياض”.
واستكمل سلام حديثه قائلًا: “المشكلة إن اللي بيحصل في فلسطين ده قضية كل مسلم في المقام الأول، لذلك واجب علي كل المسلمين إن هما يساعدو إخوانهم في غزة ويقدم لهم أي مساعدة وأنا دلوقتي مفيش أي حاجة أقدر أعملها زي ناس كتير جدًا نفسنا تعمل حاجة ونساعد ومش قادرين نعملهم حاجة، ودلوقتي لو ربنا توفانا ونتسأل كلنا إنت ساعدت أخوك المسلم في فلسطين عملتله أيه، اللي مقدرش يعمل حاجة هيسكت طبعًا، وأنا هرد هقول أيه!؟، هقول إن الوقت اللي كان في إخواتنا الفلسطينيين بيضربوا ويموتوا منهم الأطفال والنساء، أنا كنت بعمل مسرحية كوميدية بضحك الناس وبرقص وبغني، طبعًا لأ مش هقدر أعمل كده، وأنا كان عندي أمل المهرجان يتأجل أو يتلغي ولكن المهرجان ما زال قائم مليش علاقة ليه مازال قائم مش هدخل فيها ولكن أنا مش هقدر أكون جزء من اللي بيحصل واقدر أشارك في المهرجان ده والمفروض إن إحنا منكتفيش بالدعاء لإخواتنا في فلسطين معرفش أيه اللي يحصل بس المفروض نعمل حاجة تانية”.
واختتم سلام: “الفيديو ده مش مقصود منه حاجة خالص غير إن أنا فعلا في مشكلة أنا بقالي كتير جدًا مش عارف أسافر ولا أعمل أيه وإمبارح كنت قاعد مع أصدقائي فنانين وفعلًا في ناس قالتلي أسافر ده مصدر رزقك وفعلًا التمثيل ده رزقي وزق أولادي واللي بصرف عليه من البيت هو التمثيل وأنا لو مسافرتش هل هموت من الجوع أكيد لأ بس الناس هي اللي بتموت هناك في غزة، ولو حد هاجمني عن التمثيل وقال إن ده رسالة أنا معاك في ده ون من ادخل البهجة علي قلب مؤمن له أجر طبعا ولكن السؤال مين اللي محتاجين إن ندخل البهجة علي قلبه دلوقتي!؟”.
إشادات من رواد السوشيال ميديا
عقب نشر الفنان محمد سلام للفيديو الموضح تجاوز ملايين المشاهدات وانهالت التعليقات عليه وسط تشجيع وإشادات من رواد السوشيال ميديا لموقفه النبيل، الذي لم يتخذه أخرين من زملائه من عمالقة الفن.
وعلق أحد رواد السوشيال ميديا قائلًا: إنسان محترم من قبل الموقف ده ولكن بعده زاد في نظر الجميع احترامه أضعافًا.
فيما قام أخر بتحليل لغة جسد الفنان محمد سلام وتعبيراته واختياره لكادر التصوير معلقًا: الكلام اللي قاله محمد سلام حلو وإنساني مفيش نقاش بس الكلام اللي ما قالوش محمد سلام أجمل وأقوى.. أنا شخصيًا حبيته أكتر من الرسايل المستخبية وسط الكلام ولغة الجسد واختيار الكادر.
كما أشاد أخر بأخر دقيقة من فيديو الفنان محمد سلام والتي اعتذر فيها عن مشاركته في المسرحية معلقًا: أهم جزء ويستحق يتبروز.
